» ககர வருக்கம்
கற்பெனப்படுவது சொல் திறம்பாமை
காவல்தானே பாவையர்க்கு அழகு
கிட்டாதாயின் வெட்டென மற
கீழோர் ஆயினும் தாழ உரை
குற்றம் பார்க்கில் சுற்றம் இல்லை
கூர் அம்பு ஆயினும் வீரியம் பேசேல்
கெடுவது செய்யின் விடுவது கருமம்
கேட்டில் உறுதி கூட்டும் உடைமை
கைப் பொருள் தன்னின் மெய்ப்பொருள் கல்வி
கொற்றவன் அறிதல் உற்ற இடத்து உதவி
கோள் செவிக் குறளை காற்றுடன் நெருப்பு
கௌவை சொல்லின் எவ்வருக்கும் பகை