» புள்ளி மயங்கியல்

அல்லதன் மருங்கின் சொல்லும் காலை
உக் கெட நின்ற மெய்வயின் ஈ வர
இ இடை நிலைஇ ஈறு கெட ரகரம்
நிற்றல் வேண்டும் புள்ளியொடு புணர்ந்தே
அப் பால் மொழிவயின் இயற்கை ஆகும்

௩௰௨)

தொழிற்பெயர் எல்லாம் தொழிற்பெயர் இயல

௩௰௩)

ஈமும் கம்மும் உரும் என் கிளவியும்
ஆ முப் பெயரும் அவற்று ஓரன்ன

௩௰௪)

வேற்றுமை ஆயின் ஏனை இரண்டும்
தோற்றம் வேண்டும் அக்கு என் சாரியை

௩௰௫)

வகாரம் மிசையும் மகாரம் குறுகும்

௩௰௬)

நாட்பெயர்க் கிளவி மேல் கிளந்தன்ன
அத்தும் ஆன்மிசை வரை நிலை இன்றே
ஒற்று மெய் கெடுதல் என்மனார் புலவர்

௩௰௭)

னகார இறுதி வல்லெழுத்து இயையின்
றகாரம் ஆகும் வேற்றுமைப் பொருட்கே

௩௰௮)

மன்னும் சின்னும் ஆனும் ஈனும்
பின்னும் முன்னும் வினையெஞ்சு கிளவியும்
அன்ன இயல என்மனார் புலவர்

௩௰௯)

சுட்டு முதல் வயினும் எகரம் முதல் வயினும்
அப் பண்பு நிலையும் இயற்கைய என்ப

௪௰)

குயின் என் கிளவி இயற்கை ஆகும்

௪௰௧)

எகின் மரம் ஆயின் ஆண்மர இயற்றே

௪௰௨)

ஏனை எகினே அகரம் வருமே
வல்லெழுத்து இயற்கை மிகுதல் வேண்டும்

௪௰௩)

கிளைப்பெயர் எல்லாம் கிளைப்பெயர் இயல

௪௰௪)

மீன் என் கிளவி வல்லெழுத்து உறழ்வே

௪௰௫)

தேன் என் கிளவி வல்லெழுத்து இயையின்
மேல் நிலை ஒத்தலும் வல்லெழுத்து மிகுதலும்
ஆ முறை இரண்டும் உரிமையும் உடைத்தே
வல்லெழுத்து மிகு வழி இறுதி இல்லை

௪௰௬)

மெல்லெழுத்து மிகினும் மானம் இல்லை

௪௰௭)

மெல்லெழுத்து இயையின் இறுதியொடு உறழும்

௪௰௮)

இறாஅல் தோற்றம் இயற்கை ஆகும்

௪௰௯)

ஒற்று மிகு தகரமொடு நிற்றலும் உரித்தே

௫௰)

மின்னும் பின்னும் பன்னும் கன்னும்
அந் நாற் சொல்லும் தொழிற்பெயர் இயல

௫௰௧)

வேற்றுமை ஆயின் ஏனை எகினொடு
தோற்றம் ஒக்கும் கன் என் கிளவி

௫௰௨)

இயற்பெயர் முன்னர்த் தந்தை முறை வரின்
முதற்கண் மெய் கெட அகரம் நிலையும்
மெய் ஒழித்து அன் கெடும் அவ் இயற்பெயரே

௫௰௩)

ஆதனும் பூதனும் கூறிய இயல்பொடு
பெயர் ஒற்று அகரம் துவரக் கெடுமே

௫௰௪)

சிறப்பொடு வரு வழி இயற்கை ஆகும்

௫௰௫)

அப் பெயர் மெய் ஒழித்து அன் கெடு வழியே
நிற்றலும் உரித்தே அம் என் சாரியை
மக்கள் முறை தொகூஉம் மருங்கினான

௫௰௬)

தானும் பேனும் கோனும் என்னும்
ஆ முறை இயற்பெயர் திரிபு இடன் இலவே

௫௰௭)

தான் யான் எனும் பெயர் உருபு இயல் நிலையும்

௫௰௮)

வேற்றுமை அல் வழிக் குறுகலும் திரிதலும்
தோற்றம் இல்லை என்மனார் புலவர்

௫௰௯)

அழன் என் இறுதி கெட வல்லெழுத்து மிகுமே

௬௰)

முன் என் கிளவி முன்னர்த் தோன்றும்
இல் என் கிளவிமிசை றகரம் ஒற்றல்
தொல் இயல் மருங்கின் மரீஇய மரபே

௬௰௧)

பொன் என் கிளவி ஈறு கெட முறையின்
முன்னர்த் தோன்றும் லகார மகாரம்
செய்யுள் மருங்கின் தொடர் இயலான

௬௰௨)

யகர இறுதி வேற்றுமைப் பொருள்வயின்
வல்லெழுத்து இயையின் அவ் எழுத்து மிகுமே

௬௰௩)

தாய் என் கிளவி இயற்கை ஆகும்

௬௰௪)

மகன் வினை கிளப்பின் முதல் நிலை இயற்றே

௬௰௫)

மெல்லெழுத்து உறழும் மொழியுமார் உளவே

௬௰௬)

அல்வழி எல்லாம் இயல்பு என மொழிப

௬௰௭)

ரகார இறுதி யகார இயற்றே

௬௰௮)

ஆரும் வெதிரும் சாரும் பீரும்
மெல்லெழுத்து மிகுதல் மெய் பெறத் தோன்றும்

௬௰௯)

சார் என் கிளவி காழ்வயின் வலிக்கும்

௭௰)

பீர் என் கிளவி அம்மொடும் சிவணும்

௭௰௧)

லகார இறுதி னகார இயற்றே

௭௰௨)

மெல்லெழுத்து இயையின் னகாரம் ஆகும்

௭௰௩)

அல்வழி எல்லாம் உறழ் என மொழிப

௭௰௪)

தகரம் வரு வழி ஆய்தம் நிலையலும்
புகர் இன்று என்மனார் புலமையோரே

௭௰௫)

நெடியதன் இறுதி இயல்புமார் உளவே

௭௰௬)

நெல்லும் செல்லும் கொல்லும் சொல்லும்
அல்லது கிளப்பினும் வேற்றுமை இயல

௭௰௭)

இல் என் கிளவி இன்மை செப்பின்
வல்லெழுத்து மிகுதலும் ஐ இடை வருதலும்
இயற்கை ஆதலும் ஆகாரம் வருதலும்
கொளத் தகு மரபின் ஆகு இடன் உடைத்தே

௭௰௮)

வல் என் கிளவி தொழிற்பெயர் இயற்றே

௭௰௯)

நாயும் பலகையும் வரூஉம் காலை
ஆவயின் உகரம் கெடுதலும் உரித்தே
உகரம் கெடு வழி அகரம் நிலையும்

௮௰)

பூல் வேல் என்றா ஆல் என் கிளவியொடு
ஆ முப் பெயர்க்கும் அம் இடை வருமே

௮௰௧)

தொழிற்பெயர் எல்லாம் தொழிற்பெயர் இயல

௮௰௨)

வெயில் என் கிளவி மழை இயல் நிலையும்

௮௰௩)

சுட்டு முதல் ஆகிய வகர இறுதி
முற்படக் கிளந்த உருபு இயல் நிலையும்

௮௰௪)

வேற்றுமை அல்வழி ஆய்தம் ஆகும்

௮௰௫)

மெல்லெழுத்து இயையின் அவ் எழுத்து ஆகும்

௮௰௬)

ஏனவை புணரின் இயல்பு என மொழிப

௮௰௭)

ஏனை வகரம் தொழிற்பெயர் இயற்றே

௮௰௮)

ழகார இறுதி ரகார இயற்றே

௮௰௯)

தாழ் என் கிளவி கோலொடு புணரின்
அக்கு இடை வருதல் உரித்தும் ஆகும்

௯௰)

தமிழ் என் கிளவியும் அதன் ஓரற்றே

௯௰௧)

குமிழ் என் கிளவி மரப்பெயர் ஆயின்
பீர் என் கிளவியொடு ஓர் இயற்று ஆகும்

௯௰௨)

பாழ் என் கிளவி மெல்லெழுத்து உறழ்வே

௯௰௩)

ஏழ் என் கிளவி உருபு இயல் நிலையும்

௯௰௪)

அளவும் நிறையும் எண்ணும் வரு வழி
நெடு முதல் குறுகலும் உகரம் வருதலும்
கடி நிலை இன்றே ஆசிரியர்க்க

௯௰௫)

பத்து என் கிளவி ஒற்று இடை கெடு வழி
நிற்றல் வேண்டும் ஆய்தப் புள்ளி

௯௰௬)

ஆயிரம் வரு வழி உகரம் கெடுமே

௯௰௭)

நூறு ஊர்ந்து வரூஉம் ஆயிரக் கிளவிக்குக்
கூறிய நெடு முதல் குறுக்கம் இன்றே

௯௰௮)

ஐ அம் பல் என வரூஉம் இறுதி
அல் பெயர் எண்ணும் ஆயியல் நிலையும்

௯௰௯)

உயிர் முன் வரினும் ஆயியல் திரியாது

௱)

கீழ் என் கிளவி உறழத் தோன்றும்

௱௧)

ளகார இறுதி ணகார இயற்றே

௱௨)

மெல்லெழுத்து இயையின் ணகாரம் ஆகும்

௱௩)

அல்வழி எல்லாம் உறழ் என மொழிப

௱௪)

ஆய்தம் நிலையலும் வரை நிலை இன்றே
தகரம் வரூஉம் காலையான

௱௫)

நெடியதன் இறுதி இயல்பு ஆகுநவும்
வேற்றுமை அல் வழி வேற்றுமை நிலையலும்
போற்றல் வேண்டும் மொழியுமார் உளவே

௱௬)

தொழிற்பெயர் எல்லாம் தொழிற்பெயர் இயல

௱௭)

இருள் என் கிளவி வெயில் இயல் நிலையும்

௱௮)

புள்ளும் வள்ளும் தொழிற்பெயர் இயல

௱௯)

மக்கள் என்னும் பெயர்ச்சொல் இறுதி
தக்கவழி அறிந்து வலித்தலும் உரித்தே

௱௧௰)

உணரக் கூறிய புணர் இயல் மருங்கின்
கண்டு செயற்கு உரியவை கண்ணினர் கொளலே

தமிழ் இலக்கணம்